អ្នកចាត់ការថ្មីរបស់ Barcelona លោក Xavi Hernandez ត្រូវបានគេរាយការណ៍ថាបានច្រានចោលគំនិតនៃការចុះហត្ថលេខាលើ Donny van de Beek របស់ Manchester United ។
យោងតាម Sport បានឲ្យដឹងថា អតីតលេខាធិការបច្ចេកទេសរបស់ Barcelona លោក Ramon Planes បានទាក់ទងជាមួយ Van de Beek សម្រាប់ការផ្លាស់ប្តូរដ៏មានសក្តានុពលទៅកាន់ Camp Nou ។ Van de Beek បានបើកចំហចំពោះការផ្លាស់ប្តូរទៅកាន់ក្លឹប Barcelona ប៉ុន្តែ Xavi បានច្រានចោលគំនិតនេះ ដោយសារតែជម្រើសខ្សែបម្រើដែលគាត់មានគឺគ្រប់គ្រាន់។
គួររំលឹកដែរថា Barcelona ក៏ត្រូវបានទាក់ទងនឹងការផ្ទេរយក Van de Beek នៅរដូវក្ដៅឆ្នាំ ២០២០ ផងដែរ។ ទោះបីជាយ៉ាងណាក៏ដោយ ពួកគេបានបរាជ័យក្នុងការចុះហត្ថលេខាលើកីឡាករសញ្ជាតិហូឡង់ដែលបានផ្លាស់ទៅ Manchester United ។ Van de Beek បានលេងជាមួយ Frenkie de Jong នៅ Ajax ហើយអ្នកទាំងពីរបានជួយក្លឹប ឲ្យឈានដល់វគ្គពាក់កណ្តាលផ្តាច់ព្រ័ត្រនៃពានរង្វាន់ UEFA Champions League ក្នុងឆ្នាំ ២០១៩៕
សូមទស្សនាវីដេអូខាងក្រោម៖
