បរទេស៖ នេះបើយោងតាមការចេញផ្សាយរបស់សារព៍ត៌មាន GOAL នៅថ្ងៃទី២២ ខែវិច្ឆិកា ឆ្នាំ២០២១នេះ បានអោយដឹងថា Mauricio Pochettino គឺជាបេក្ខភាពនាំមុខគេដែលអាចនឹងក្លាយជាគ្រូបង្វឹកថ្មីរបស់ក្លឹប Man Utd ខណៈពេលគ្រូបង្វឹក PSG រូបនេះបានបើកផ្លូវអោយមានការពិភាក្សាផងដែរ។
គួរបញ្ជាក់ផងដែរថា United បានប្រកាសកាលពីថ្ងៃអាទិត្យ អំពីការបញ្ចប់កុងត្រាជាមួយនឹង Ole Gunnar Solskjaer បន្ទាប់ពីខកចិត្តនឹងលទ្ធផលដែលធ្វើបាន។ ក្នុងនោះ Michael Carrick នឹងទទួលភារកិច្ចនេះ ជាបណ្តោះអាសន្នសិន។
ក្នុងនោះក្លឹបកំពុងតែស្វែងរកនៅគ្រូបង្វឹកបណ្តោះអាសន្នមកដឹកនាំរហូតដល់ចុងរដូវកាល។ បន្ទាប់មកក្លឹបនឹងរកនៅគ្រូបង្វឹកផ្លូវការមួយមកគ្រប់គ្រងនៅរដូវក្តៅខាងមុខ៕
