Cristiano Ronaldo ត្រូវបានគេមើលឃើញថាមានការខកចិត្តចំពោះអ្នកចាត់ការ Fernando Santos បន្ទាប់ពីបរាជ័យនៅចុងម៉ោងក្រោមថ្វីជើងរបស់ Serbia ដែលបានធ្វើឱ្យព័រទុយហ្គាល់ខកខានឱកាសការឡើងទៅដោយស្វ័យប្រវត្តិសម្រាប់ FIFA World Cup ២០២២ ។
នៅក្នុងវីដេអូមួយពី TNT Sports Brazil កីឡាករ Cristiano Ronaldo ត្រូវបានគេមើលឃើញថាកំពុងឈ្លោះជាមួយ Santos បន្ទាប់ពីសំឡេងកញ្ចែពេញម៉ោងដែលបង្ហាញយ៉ាងច្បាស់ពីការខកចិត្តរបស់អ្នកឈ្នះ Ballon d’Or ប្រាំសម័យកាល ក្នុងការខកខានឡើងទៅដោយស្វ័យប្រវត្តិសម្រាប់វគ្គជម្រុះនេះ។
IMAGENS EXCLUSIVAS DA TNT SPORTS! O CLIMA ESQUENTOU! 👀😳 Cristiano falou poucas e boas pro técnico Fernando Santos depois do apito final contra a Sérvia… #EliminatóriasNaTNTSports pic.twitter.com/kZr1M48gFM
— TNT Sports Brasil (@TNTSportsBR) November 14, 2021
ព័រទុយហ្គាល់បានរកគ្រាប់បាល់យ៉ាងល្អដោយ Renato Sanches បើកការស៊ុតបញ្ចូលទីនៅនាទីទីពីរ។ ទោះបីជាយ៉ាងណាក៏ដោយ តារាឆ្នើមរបស់ Ajax Dusan Tadic បានតាមស្មើវិញក្នុងការប្រកួតនៅនាទីទី ៣៣ មុនពេល Aleksandar Mitrovic រកបានគ្រាប់បាល់ជ័យជំនះចុងម៉ោង ដើម្បីជួយឲ្យ Serbia ទៅលេង FIFA World Cup ២០២២ នៅប្រទេសកាតា។
Cristiano Ronaldo ខ្លួនគាត់ផ្ទាល់មិនមានការប្រកួតល្អបំផុតទេ ខណៈដែលគាត់មិនអាចជួយក្រុមបាន។ ខ្សែប្រយុទ្ធវ័យ ៣៦ ឆ្នាំរូបនេះ បានស៊ុតតែបីជើងប៉ុណ្ណោះក្នុងការប្រកួតទាំងមូល ដោយមានពីរគ្រាប់ខុសគោលដៅ ខណៈមួយគ្រាប់ទៀតត្រូវបានរារាំង។
Cristiano Ronaldo គឺជាកីឡាករឆ្នើមរបស់ព័រទុយហ្គាល់ពេញមួយយុទ្ធនាការជម្រុះរបស់ពួកគេ។ តារាឆ្នើមរបស់ក្រុម Manchester United ស៊ុតបញ្ចូលទីបាន ៦ គ្រាប់ រួមទាំងការស៊ុតបញ្ចូលទី Hat-trick ទល់នឹង Luxembourg កាលពីដើមឆ្នាំនេះ៕
សូមទស្សនាវីដេអូខាងក្រោម៖
