ទីបំផុត Eden Hazard បានត្រលប់ពីរបួសវិញហើយ ប៉ុន្តែឱកាសសម្រាប់ការបង្ហាញខ្លួនឲ្យ Real Madrid គឺមិនទាន់មកដល់ ដែលនាំឱ្យគ្រូបង្វឹកក្រុមជម្រើសជាតិបែលហ្ស៊ិកលោក Roberto Martinez ព្រួយបារម្ភអំពីទំនុកចិត្តរបស់តារាឆ្នើមរបស់គាត់។
ការសម្រាកអន្តរជាតិគឺជាការស្វាគមន៍មួយសម្រាប់ Hazard ខណៈដែលគាត់ត្រឡប់ទៅប្រទេសបែលហ្ស៊ិក ជាកន្លែងដែលគាត់នៅតែត្រូវបានគេកោតសរសើរយ៉ាងខ្លាំង និងជាផ្នែកសំខាន់នៃក្រុម។
Martinez បានបញ្ជាក់ថា៖ “យើងមានការព្រួយបារម្ភបន្តិចដែរចំពោះ Hazard ប៉ុន្តែយើងមិនបោះបង់គាត់ឡើយ។ Hazard គាត់មិនងាយចុះចាញ់ឡើយ ប៉ុន្តែសម្រាប់ពេលនេះ វាមិនមែនជារឿងនោះទេ។ ខ្ញុំគិតថាគាត់អាចបញ្ចប់រដូវកាលយ៉ាងរឹងមាំ”៕
