លោក Ole Gunnar Solskjaer ត្រូវបានគេរាយការណ៍ថា កំពុងឈានដល់ការបះបោរក្នុងបន្ទប់ផ្លាស់សំលៀកបំពាក់នៅ Manchester United ជាមួយនឹងតារាឆ្នើម Bruno Fernandes និង Cristiano Ronaldo មិនសប្បាយចិត្ត បន្ទាប់ពីលទ្ធផលថ្មីៗនេះ។
បុរសន័រវេសរូបនេះ កំពុងស្ថិតនៅលើមាត់ជ្រោះមួយ បន្ទាប់ពីបានដឹកនាំក្រុមចាញ់យ៉ាងអាម៉ាស់។ ការបរាជ័យក្នុងលទ្ធផល ២-០ ទល់នឹង Manchester City កាលពីថ្ងៃសៅរ៍ គឺជាការបរាជ័យជាលើកទី ៦ របស់ពួកគេក្នុង ១២ ប្រកួត។
លទ្ធផលទាំងនោះមានន័យថា Man Utd មាន ៩ ពិន្ទុតាមពីក្រោយក្រុមកំពូលតារាង Chelsea បើទោះបីជាមានកា រំពឹងទុកថា ការប្រជែងដណ្តើមពាននឹងត្រូវបានចាប់ផ្តើមនៅឆ្នាំនេះ។
បន្ទាប់ពីចាញ់ Liverpool ៥-០ ក្នុងខែនេះ វាត្រូវបានគេរាយការណ៍ថា Solskjaer មានការប្រកួតចំនួន ៣ ដើម្បីសង្គ្រោះការងាររបស់គាត់។ ហើយទោះបីជាអនាគតរបស់គាត់នៅតែមិនច្បាស់លាស់ បន្ទាប់ពីលទ្ធផលមិនសូវល្អក្នុងរយៈពេលដ៏ខ្លីនោះ។ ភាពចលាចលក្នុងបន្ទប់ស្លៀកពាក់ អាចបញ្ជាក់បានថាកៅអីរបស់ Solskjaer កាន់តែរង្គោះរង្គើរខ្លាំង។
កាសែត Daily Mail បានរាយការណ៍ថា កីឡាករជាច្រើននៅក្នុងក្រុមបិសាចក្រហមមិនសប្បាយចិត្តនឹង Solskjaer ជាមួយនឹង Fernandes និង Ronaldo ដែលជាកីឡាករមានឥទ្ធិពលបំផុតពីរនាក់របស់ Man Utd បានដឹកនាំ “ការបះបោរ” ដោយក្លឹបឥឡូវនេះបាននិយាយថាកំពុងពិចារណាយ៉ាងយកចិត្តទុកដាក់លើការបណ្តេញ Solskjaer ៕
