ក្លិប Newcastle បានតែងតាំងលោក Eddie Howe ជាអ្នកចាត់ការថ្មីរបស់ពួកគេ ក្នុងកិច្ចសន្យារយៈពេលពីរឆ្នាំកន្លះរហូតដល់ឆ្នាំ ២០២៤ ។
គួរបញ្ជាក់ថា The Magpies បានបណ្តេញ Steve Bruce ចេញនៅថ្ងៃទី ២០ ខែតុលា បន្ទាប់ពីការប្រកួតលើកទី ១,០០០ របស់គាត់ក្នុងការគ្រប់គ្រងក្លឹប។
បេក្ខជនជាច្រើននាក់កំពុងឈរឈ្មោះនៅ St James’ Park ប៉ុន្តែ Howe គឺជាបុរសតែម្នាក់គត់ ដែលត្រូវបានប្រគល់សេចក្តីទុកចិត្តពីសំណាក់ម្ចាស់ក្លឹប។
Howe បានរក្សា Bournemouth ក្នុងក្របខ័ណ្ឌកំពូលអស់រយៈពេល ៥ រដូវកាល ប៉ុន្តែបានលាលែងពីតំណែងជាអ្នកចាត់ការនៅឆ្នាំ ២០២០ បន្ទាប់ពីឃើញក្លឹបបានធ្លាក់ចូលទៅក្នុងក្របខ័ណ្ឌ Championship វិញ។
សរុបមកគាត់បានដឹកនាំ ៤៥៨ ប្រកួតនៅ Bournemouth ដោយបានអះអាងថាឈ្នះ ១៩៤ និងត្រូវបានតែងតាំងជាអ្នកគ្រប់គ្រង LMA ឆ្នាំ ២០១៥ ៕
