ខ្សែបម្រើ Bruno Fernandes របស់ក្រុម Manchester United បានបង្ហើបថា David de Gea ត្រូវតែការពារឱ្យបានល្អជាងនេះ ក្រោយពេលបិសាចក្រហមបានចាញ់ Manchester City ដែលជាក្រុមរបស់លោក Pep Guardiola ក្នុងលទ្ធផល ២-០ ក្នុងការប្រកួត Derby ។
Manchester United មានទម្រង់ការពារមិនល្អ ក្រោយចប់ការប្រកួត Fernandes បាននិយាយថា Manchester United បានបណ្តោយឱ្យមានគ្រាប់បាល់យ៉ាងងាយ។ Fernandes បាននិយាយក្រោយការប្រកួតក្នុងបទសម្ភាសជាមួយប្រព័ន្ធផ្សព្វផ្សាយរបស់ក្លឹបថា៖ «វាតែងតែជាពេលវេលាដ៏អាក្រក់ ក្នុងការបណ្តោយឱ្យមានគ្រាប់បាល់ អ្វីដែលជាបញ្ហា គឺជាវិធីដែលយើងបណ្តោយឱ្យមានគ្រាប់បាល់»។
គាត់បានបន្ថែមថា៖ «ដូចដែលខ្ញុំបាននិយាយច្រើនដងមកហើយ ប្រសិនបើមិនមែន David ទេ លទ្ធផលអាចច្រើនជាងនេះ និងអាក្រក់សម្រាប់ពួកយើង។ យើងត្រូវជួយ David ឱ្យបានល្អប្រសើរជាងនេះ ព្រោះគាត់ជួយយើងច្រើន ហើយយើងត្រូវជួយគាត់វិញ។ គាត់មិនអាចសង្គ្រោះបានប្រាំបី ឬប្រាំបួនគ្រាប់ រាល់ការប្រកួតនោះទេ បើបណ្តោយឲ្យគូប្រកួតស៊ុតបានច្រើន នោះគ្រាប់បាល់នឹងកើតមានជាបន្តបន្ទាប់»៕
