យោងតាមរបាយការណ៍ ក្លឹប Newcastle United បានត្រៀមលុយចំនួន ៥៥ លានអឺរ៉ូ (៤៧ លានផោន) សម្រាប់អ្នកចាំទី FC Barcelona កីឡាករ Marc-Andre ter Stegen ។ Ter Stegen ដែលបានចូលរួមជាមួយក្លឹបយក្សអេស្ប៉ាញពី Borussia Monchengladbach ក្នុង ២០១៤ បានបង្ហាញខ្លួនស្ទើគ្រប់ប្រកួតក្នុងជម្រើសដំបូងសម្រាប់ Barca។
យោងតាម El Nacional អ្នកចាំទីដៃទី១ Ter Stegen កំពុងឈានដល់ការបង្ហាញខ្លួនលើកទី ៣០០ របស់គាត់សម្រាប់ក្លឹប Barcelona ប៉ុន្តែអាចចាកចេញពីក្លឹបយក្ស La Liga នៅខែមករា។ ប្រធានក្លឹបលោក Joan Laporta នៅតែប្រកាន់ជំហរខ្ពស់ ប៉ុន្តែសុខចិត្តបោះបង់គាត់ចោល ដើម្បីប្រមូលហិរញ្ញវត្ថុ។
បញ្ជាក់ផងដែរថា Barcelona ស្ថិតក្នុងចំណងហិរញ្ញវត្ថុ ដូច្នេះការដោះដូរកីឡាករសំខាន់របស់ក្រុមអាចជារឿងចាំបាច់ ដើម្បីជួយពួកគេរក្សាស្ថេរភាពហិរញ្ញវត្ថុ ហើយ Newcastle មានប្រាក់ ៤៧ លានផោនត្រៀមទុកដោយឡែក ក្នុងករណីដែល Barca យល់ព្រមលើកិច្ចព្រមព្រៀង ដែលនឹងពិបាកនឹងបដិសេធ ដោយសារស្ថានភាពហិរញ្ញវត្ថុបច្ចុប្បន្នរបស់ក្លឹប៕
