វីរបុរសក្រុមហង្សក្រហម Liverpool លោក John Barnes បានបង្ហាញអារម្មណ៍សោកស្តាយចំពោះកីឡាករវ័យក្មេងរបស់ក្រុម Manchester United ដូចជាកីឡាករ Marcus Rashford, Jadon Sancho និង Mason Greenwood ។ ខ្សែប្រយុទ្ធទាំងបីបានមើលឃើញថា តួនាទីរបស់ពួកគេធ្លាក់ចុះ ចាប់តាំងពីការមកដល់របស់ Cristiano Ronaldo នៅ Old Trafford។
Jadon Sancho ត្រូវបានគេចាត់ទុកថាជាការចុះហត្ថលេខាដ៏អស្ចារ្យរបស់ Manchester United នៅរដូវក្ដៅនេះ បន្ទាប់ពីបានបញ្ចប់ការផ្ទេរក្នុងតម្លៃ ៧៣ លានផោនពី Borussia Dortmund នៅរដូវក្តៅនេះ។ យ៉ាងណាមិញ កីឡាករជម្រើសជាតិអង់គ្លេសរូបនេះបានជួបការលំបាកជាមួយនឹងល្បឿន និងកាយសម្បទាក្នុងក្របខ័ណ្ឌ Premier League។ ជាលទ្ធផល អតីតខ្សែបម្រើស្លាប Dortmund បានធ្លាក់ចុះប្រជាប្រិយភាពក្រោមផ្ទេរមកកាន់បិសាចក្រហម។
Marcus Rashford និង Mason Greenwood ត្រូវបានគេប្រើជាកីឡាករសម្រាប់ផ្លាស់ប្តូរគ្នា ក្រោមការគ្រប់គ្រងរបស់ Ole Gunnar Solskjaer ក្នុងប៉ុន្មានសប្តាហ៍ថ្មីៗនេះ។ ប្រការនេះបាននាំឱ្យ Barnes ជឿថាការចុះហត្ថលេខាលើ Cristiano Ronaldo កំពុងតែធ្វើឲ្យប៉ះពាលដល់ខ្សែប្រយុទ្ធទាំង ៣ របស់ក្រុម Manchester United ។
អ្នកទាំងបីកំពុងជួបការលំបាកក្នុងការស្វែងរកកន្លែងនៅក្នុងទម្រង់ 3-5-2 របស់ Ole Gunnar Solskjaer ខណៈដែលអ្នកចាតា់ការទូទៅសញ្ជាតិន័រវេសរូបនេះ ចូលប្រើប្រាស់ Edinson Cavani និង Cristiano Ronaldo ក្នុងតំបន់ប្រយុទ្ធជួរមុខ៕
សូមទស្សនាវីដេអូខាងក្រោម៖
