អតីតកីឡាករជម្រើសជាតិហូល្លង់ លោក Nikel de Jong បានធ្វើការរិះគន់ខ្លាំងៗចំពោះកីឡាករ Harry Maguire ដែលរូបគេបង្ហាញទម្រង់លេងមិនបានល្អសោះ រៀងរាល់សប្តាហ៍តែម្តង។
ជាការពិតណាស់ ប្រធានក្រុមរបស់ Manchester United ខាងលើទទួលរង់នូវពាក្យរិះគន់ជាច្រើន ពីសំណាក់អ្នកគាំទ្រនៅប៉ុន្មានប្រកួតចុងក្រោយនេះ បន្ទាប់ពីរូបគេជាសះស្បើយពីរបួស និងត្រឡប់មកវិញជាមួយនឹងបរាជ័យយ៉ាងធ្ងន់ករក្រោមថ្វីជើង Leicester City ៤-២ និងចាញ់ Liverpool ៥-០។
ក្នុងការប្រកួតយប់មិញនេះ Maguire ចូលរួមបង្កើតកំហុសដូចគ្នាធ្វើឲ្យ Duvan Zapata អាចរកគ្រាប់បាល់បាន ខណៈ Cristiano Ronaldo បានសង្គ្រោះក្រុមឲ្យទទួលបានលទ្ធផលស្មើនៅចុងម៉ោង។
De Jong បាននិយាយថា៖ «Maguire ទៀតហើយ! គេបានសាងកំហុសឲ្យគេឃើញគ្រប់សប្តាហ៍តែម្តង។ ជំនួសឱ្យការបោះជំហានទៅមុខ គាត់តែងតែថយមកក្រោយវិញ»៕
