Luis Suarez បានសារភាពថា គាត់ចង់ចាកចេញពី Liverpool រួចហើយទៅចូលរួមជាមួយ Arsenal ក្នុងឆ្នាំ ២០១៣ ពីព្រោះគាត់មិនចង់ខកខានក្នុងការលេងនៅ Champions League ។
គួររំលឹកថា កីឡាករអន្តរជាតិអ៊ុយរូហ្គាយរូបនេះ បានចូលរួមជាមួយហង្សក្រហមក្នុងឆ្នាំ ២០១១ ហើយបានចំណាយពេលបីឆ្នាំនៅទីនោះ មុនពេលចាកចេញទៅ Barcelona ។ បន្ទាប់ពីបានចូលរួមជាមួយ Barcelona គាត់បានឈ្នះពានរង្វាន់ La Liga ចំនួន ៤ ដង និង Champions League ផងដែរ។
កីឡាករអន្តរជាតិអ៊ុយរូហ្គាយវ័យ ៣៤ ឆ្នាំរូបនេះ បច្ចុប្បន្នកំពុងប្រកបអាជីពនៅ Atletico Madrid ជាកន្លែងដែលគាត់ស៊ុតបញ្ចូលទីបាន ២១ គ្រាប់ក្នុងរដូវកាលដំបូងរបស់គាត់ និងស៊ុតបញ្ចូលទីបាន ៧ ដងក្នុងការបង្ហាញខ្លួន ១៤ លើកក្នុងឆ្នាំ ២០២១-២០២២៕
