Raphael Varane នឹងត្រលប់មកលេងឱ្យក្រុម Manchester United វិញ ក្នុងជំនួបប៉ះ Tottenham Hotspur នៅថ្ងៃសៅរ៍ ខណៈដែលពួកគេស្វែងរកការឈ្នះ Premier League ជាលើកដំបូងរបស់ពួកគេក្នុងការប្រកួតចំនួនបួន។
Varane បានអវត្តមានបីប្រកួតចុងក្រោយរបស់ Man Utd ក្នុងការប្រកួតទាំងអស់ ដោយសាររបួសសាច់ដុំ។ ខ្សែការពារបារាំងវ័យ ២៨ ឆ្នាំរូបនេះ មានបញ្ហាក្រលៀនពេលកំពុងបំពេញកាតព្វកិច្ចអន្តរជាតិសម្រាប់ប្រទេសបារាំង ខណៈដែលពួកគេបានឈ្នះពានរង្វាន់ UEFA Nations League កាលពីដើមខែនេះផងដែរ។
Varane បានចាកចេញមុនពាក់កណ្តាលម៉ោងក្នុងវគ្គផ្តាច់ព្រ័ត្រ ក្រោយមកត្រូវបានអវត្តមានរហូតដល់ការត្រលប់មកហ្វឹកហាត់ពេញលេញក្នុងសប្តាហ៍នេះ ហើយវត្តមានរបស់អតីតកីឡាករ Real Madrid នៅតំបន់ការពាររបស់ Solskjaer គឺត្រូវការជាចាំបាច់ណាស់ ដោយបិសាចក្រហមបានរបូតគ្រាប់បាល់ ១១ គ្រាប់ក្នុងការប្រកួតទាំងបី អំឡុងពេលដែលគ្មានរនាំងការពារដ៏រឹងមាំ៕
