ជាការពិតណាស់ Zinedine Zidane បានចំណាយពេលសម្រាកលំហែកាយ ជាមួយក្រុមគ្រួសាររបស់លោក ក្រោយចែកផ្លូវគ្នាជាមួយ Real Madrid ហើយលោកក៏រីករាយចំពោះការលេងរបស់កូនពៅលោក សម្រាប់ក្រុមជម្រើសជាតិបារាំងអាយុក្រោម១៧ឆ្នាំ ក្នុងការប្រកួតទល់នឹងម៉ុលដាវី។
ក្រុមមាន់គកបារាំង បានយកជ័យជម្នះ ៣-០ លើម៉ុលដាវី ក្នុងការប្រកួតវគ្គជម្រុះ U23 EURO 2022 ដោយកូនប្រុសអតីតអ្នកចាត់ការក្រុមអធិរាជសគឺកីឡាករ Elyaz Zidane បានរកគ្រាប់បាល់បញ្ចូលទី បានមួយគ្រាប់ផងដែរ។
កីឡាករវ័យក្មេងរូបនេះ មានអាយុត្រឹមតែ១៥ឆ្នាំប៉ុណ្ណោះ ប៉ុន្ដែបានរួមចំណែកក្នុងក្រុមបាល់ទាត់ជម្រើសជាតិបារាំង U17 ហើយគេរកគ្រាប់បាល់ដំបូងរបស់ខ្លួន ដោយការតែតបញ្ចូលទី បន្ទាប់ពីទទួលបានការបញ្ជូនបាល់ជ្រុងពីមិត្តរួមក្រុម។
កូនប្រុសពៅរបស់លោក Zidane លេងក្នុងតំណែងជាខ្សែការពារស្លាបឆ្វេង ឬប្រយុទ្ធស្លាបឆ្វេង ហើយគេបានដុះដាលចេញពីថ្នាលរបស់ក្លិប Real Madrid៕
សូមទស្សនាវីដេអូខាងក្រោម៖
