ខ្សែប្រយុទ្ធ Cristiano Ronaldo របស់ក្រុម Manchester United ត្រូវបានគេរាយការណ៍ថា បានជំរុញឱ្យមិត្តរួមក្រុមរបស់គាត់ ឲ្យបង្ហាញការគាំទ្រចំពោះគ្រូបង្វឹកក្រោមការដឹកនាំរបស់លោក Ole Gunnar Solskjaer ចំពេលមានសេចក្តីរាយការណ៍ថា កីឡាករបានបាត់បង់ជំនឿលើអ្នកចាត់ការន័រវេសរូបនេះ។
យោងតាមសារព័ត៌មាន Manchester Evening News កីឡាករ Manchester United មួយចំនួនបានចោទសួរការសម្រេចចិត្តរបស់ Ole Gunnar Solskjaer ក្នុងការដាក់ឈ្មោះ XI ដែលមិនផ្លាស់ប្តូរសម្រាប់ការបរាជ័យ ៥-០ របស់ពួកគេក្រោមថ្វីជើងក្រុម Liverpool កាលពីចុងសប្តាហ៍មុននៅ Old Trafford ។ Cristiano Ronaldo បានព្យាយាមបញ្ចុះបញ្ចូលមិត្តរួមក្រុមរបស់គាត់ឱ្យគាំទ្រ Solskjaer ក្នុងអំឡុងពេលដ៏លំបាកនេះ។
កីឡាករមួយចំនួនរបស់ក្លឹបក៏បានសម្តែងការខកចិត្តចំពោះបញ្ហារបស់ Jesse Lingard ផងដែរ។ ខ្សែបម្រើប្រយុទ្ធរូបនេះបានរីករាយជាមួយពេលវេលាខ្ចីជើងក្នុងអំឡុងចុងរដូវកាល 2020-21 ជាមួយ West Ham United ។
កីឡាករវ័យ 28 ឆ្នាំរូបនេះបានបង្ហាញទម្រង់លេងដ៏គួរឱ្យចាប់អារម្មណ៍ជាច្រើន ក្នុងនាមជាកីឡាករបម្រុងក្នុងតង់ទី 2 សម្រាប់ក្រុម Manchester United នៅដើមរដូវកាលនេះ ប៉ុន្តែនៅតែបន្តអវត្តមានក្នុងជម្រើស ១១នាក់ដំបូងរបស់ក្លឹប។
កីឡាករមួយចំនួនក៏បានសម្តែងការភ្ញាក់ផ្អើលផងដែរចំពោះខ្សែបម្រើសញ្ជាតិហូឡង់ Donny van de Beek ។ ការបង្ហាញទម្រង់លេងរបស់អតីតតារា Ajax ក្នុងការហ្វឹកហាត់ បានធ្វើឱ្យមិត្តរួមក្រុមចាប់អារម្មណ៍យ៉ាងខ្លាំង។ ប៉ុន្តែខ្សែបម្រើរូបនេះបង្ហាញខ្លួនបានត្រឹមតែបួននាទីប៉ុណ្ណោះក្នុង Premier League រដូវកាលនេះ។
អ្នកគាំទ្រ Manchester United មួយចំនួនបានស្នើសុំឱ្យក្លឹបចែកផ្លូវជាមួយ Ole Gunnar Solskjaer ។ យ៉ាងណាមិញ ក្លឹបត្រូវបានគេរាយការណ៍ថា បានជ្រើសរើសឱ្យអ្នកចាត់ការវ័យ 48 ឆ្នាំរូបនេះដឹកនាំលេងចំនួនបីប្រកួតបន្ថែមទៀត ដើម្បីពិនិត្យ និងវាយតម្លៃ។ ការសម្រេចចិត្តនេះត្រូវបានគេរាយការណ៍ថា បានធ្វើឡើងបន្ទាប់ពីមានការណែនាំពីអតីតគ្រូបង្វឹក Manchester United លោក Sir Alex Ferguson។
ខ្សែប្រយុទ្ធក្រុម Manchester United កីឡាករ Cristiano Ronaldo បានសម្តែងជាសាធារណៈនូវការខកចិត្តរបស់គាត់ចំពោះទម្រង់របស់ក្លឹប និងលទ្ធផលនៅក្នុងក្របខ័ណ្ឌ Premier League ក្នុងប៉ុន្មានសប្តាហ៍ថ្មីៗនេះ។ ទោះជាយ៉ាងណាក៏ដោយ Cristiano Ronaldo បានព្យាយាមប្រមូលផ្តុំមិត្តរួមក្រុមរបស់គាត់ និងគាំទ្រ Solskjaer ក្នុងអំឡុងពេលដ៏លំបាកនេះ៕
