ក្រុម Manchester United របស់ Ole Gunnar Solskjaer រងភាពអាម៉ាស់យ៉ាងខ្លាំងកាលពីចុងសប្តាហ៍នៅ Old Trafford ក្នុងការប្រកួតចាញ់ក្រុម Liverpool ០-៥ ។ ហេតុការនេះបានដាក់សម្ពាធកាន់តែខ្លាំងលើអ្នកចាត់ការសញ្ជាតិន័រវេស ដែលគាត់កំពុងរងការរិះគន់ឥតឈប់ឈរពីអ្នកគាំទ្រក្លឹបបិសាចក្រហម។
ក្រុម Manchester United បានធ្លាក់ទំរង់លេងយ៉ាងខ្លាំងនៅប៉ុន្មានប្រកួតចុងក្រោយនេះ ប៉ុន្តែគ្មាននរណាម្នាក់រំពឹងថាលទ្ធផលនឹងក្លាយជាការអាម៉ាស់នេះឡើយ។ លោក Ole Gunnar Solskjaer ហើយអនាគតរបស់គាត់នៅក្លឹបមើលទៅប្រហែលជាកាន់តែយ៉ាប់យឺនហើយ។
សម្រាប់ការចាញ់ក្រុម Liverpool បានធ្វើឱ្យអ្នកគាំទ្រ Manchester United ខឹងសម្បានៅទូទាំងពិភពលោក ដែលវាទំនងជាថា Ole Gunnar Solskjaer អាចនឹងបាត់បង់ការងាររបស់គាត់មុនពេលការប្រកួតជាមួយ Tottenham Hotspur នៅចុងសប្តាហ៍នេះ។
ជាមួយនឹងការបណ្តេញអ្នកចាត់ការវ័យ ៤៨ឆ្នាំរូបនេះ មើលទៅជៀសមិនរួចនោះទេ កីឡាករដែលបានតស៊ូក្រោមការដឹកនាំរបស់លោក Ole Gunnar Solskjaer អាចនឹងទទួលបានឱកាសថ្មី ដើម្បីបង្ហាញខ្លួនលើទីលាន។ ក្នុងនោះ យើងមើលកីឡាករ Man Utd ៥រូបដែលនឹងទទួលបានអត្ថប្រយោជន៍ច្រើនបំផុតពីការផ្លាស់ប្តូរអ្នកចាត់ការរូបនេះ ដែលមានដូចជាកីឡាករ Nemanja Matic, Jesse Lingard, Alex Telles, Edinson Cavani, និង Donny van de Beek៕
