បរទេស៖ នេះបើយោងតាមការចេញផ្សាយរបស់ សារព័ត៌មាន The Sun នៅថ្ងៃទី១៩ ខែតុលា ឆ្នាំ២០២១កន្លងទៅបានអោយដឹងថា អ្នកចាត់ការសញ្ជាតិអ៊ីតាលី មិនចាប់អារម្មណ៍នៅតំណែងរបស់ Steve Bruce ដែលទើបបានចាក់ចេញនោះទេ។
នេះបើយោងតាមការចេញផ្សាយរបស់អ្នកសារព័ត៌មានអ៊ីតាលី Fabio Santini បានអោយដឹងថា Conte កំពុងរងចាំការទាក់ទងពីក្លឹបបិសាចក្រហម។
តាមការដកស្រង់សម្តីចេញពីវ៉េបសាយ Area Napoli បានបញ្ជាក់ថា “Antonio Conte បានបដិសេធសំណើររបស់ Newcastle។ មូលហេតុ? គាត់រងចាំការទំនាក់ទំនងពីក្លឹប Manchester United”។
សម្ពាធបានធ្លាក់លើ Ole Gunner Solskjaer ក្រោយទើបឈ្នះតែម្តងប៉ុណ្ណោះក្នុងចំណោម ៥ប្រកួតចុងក្រោយ នៅគ្រប់ពានរង្វាន់ទាំងអស់។ ចំណែកលោក Conte វិញ គឺមានកំណត់ត្រាជោគជ័យនៅក្នុងក្របខ័ណ្ឌ Premier League ។ គាត់ក៏ធ្លាប់ដឹកនាំក្រុមតោខៀវ Chelsea ឱ្យឈ្នះពានរង្វាន់នៅឆ្នាំ ២០១៧ ក៏ដូចជាពានរង្វាន់ FA Cup នៅឆ្នាំបន្ទាប់ផងដែរ៕
