បរទេស៖ បន្ទាប់ពីក្លឹបបិសាចក្រហម Manchester United បានយកឈ្នះលើកក្រុម Atalanta កាលពីយប់មិញក្នុងលទ្ធផល ៣ទល់២ ក្នុងទឹកដី Old Trafford។
ក្នុងនោះដែលក្រុម Atalanta ជាអ្នកបើការនាំមុខមុន ដោយត្រឹមតែ២៨នាទីប៉ុណ្ណោះ អាចរកបានរហូតដល់ទៅ២គ្រាប់។ ការប្រកួតបានចូលដល់តង់ទី២ ទើបក្រុម United អាចវាយបករកបាន ២គ្រាប់តាមស្មើវិញដោយកីឡាករ Rashford និង Maguire។ អ្វីៗត្រូវបានបញ្ចប់ក្រោយ Ronaldo បានរកគ្រាប់ជ័យជំនះអោយបិសាចក្រហមនៅនាទី ៨១។
ក្រោយចាប់ការប្រកួត Bruno Fernandes បានបង្ហោះនៅក្នុងហ្វេសប៊ុករបស់ខ្លួនថា “ពួកយើងមិនដែលបោះបង់ចោលទេ! មិនដែលនោះទេ! អរគុណអ្នកនៅ Old Trafford! ពួកយើងនឹងប្រយុទ្ធម្តងទៀតនៅថ្ងៃអាទិត្យ!”៕
