បាត់ដំបង៖ នៅថ្ងៃទី១៩ ខែតុលា ឆ្នាំ២០២១ វេលាម៉ោង៧:៣០នាទី ប៉ុស្តិ៍នគរបាលរដ្ឋបាលតាម៉ឺន បានទទួលបណ្ដឹងពីជន
រងគ្រោះឈ្មោះ យ៉ែម ទួឆាយ ភេទប្រុស អាយុ២៩ឆ្នាំ មានទីលំនៅក្រុមទី០២ ភូមិគោកត្រប់ ឃុំតាម៉ឺន ស្រុកថ្មគោល បានប្តឹងទៅលើឈ្មោះ ផណ ភាន ភេទប្រុស អាយុ៣៥ឆ្នាំ មានទីលំនៅក្រុមទី០៤ ភូមិគោកត្រប់ ឃុំតាម៉ឺន ស្រុកថ្មគោល ដែលបានយកដំបងឈើជ្រុងវាយលើខ្លួន ០១ដំបង បណ្តាលឱ្យរងរបួសក្បាលផ្នែកខាងឆ្វេង (របួសធ្ងន់) កាលពីថ្ងៃទី១៨ ខែតុលា ឆ្នាំ២០២១ វេលាម៉ោង១៧:៣០នាទី នៅចំណុចក្រុមទី០៤ ភូមិគោកត្រប់ ឃុំតាម៉ឺន ស្រុកថ្មគោល ។
ក្រោយពីទទួលបណ្ដឹងភ្លាម ដោយមានការចង្អុលបង្ហាញពីលោកវរសេនីយ៍ឯក លឹម ពុទ្ធីឡា ស្នងការរងផែនការងារនគរបាលព្រហ្មទណ្ឌ នៃស្នងការដ្ឋាននគរបាលខេត្តបាត់ដំបង និងបញ្ជាផ្ទាល់ពីលោកវរសេនីយ៍ទោ សេង លុច អធិការនគរបាលស្រុកថ្មគោល ,លោកវរសេនីយ៍ទោ ហៀង ប៊ុនថា អធិការរងទទួលផែនការងារនគរបាលយុត្តិធម៍ នៃអធិការដ្ឋាននគរបាលស្រុកថ្មគោល បានដឹកនាំកម្លាំងជំនាញ សហការជាមួយប៉ុស្តិ៍នគរបាលរដ្ឋបាលតាម៉ឺន ចុះធ្វើការស្រាវជ្រាវរហូតដល់ថ្ងៃទី១៩ ខែតុលាឆ្នាំ២០២១ វេលាម៉ោង ៨:៣០នាទី ទើបបង្ក្រាបនិងឃាត់ខ្លួនជនសង្ស័យ០១នាក់ ខាងលើ បញ្ជូនមកកាន់អធិការដ្ឋាននគរបាលស្រុកថ្មគោលដើម្បីធ្វើការសាកសួរ ហើយជនសង្ស័យបានឆ្លើយសារភាពថាខ្លួនពិតជាបានធ្វើសកម្មភាពវាយទៅលើជនរងគ្រោះខាងលើពិតប្រាកដមែន ។ ចំពោះករណីនេះ ជំនាញស្រុក កំពុងកសាងសំណុំរឿង ដើម្បីចាត់ការតាមនីតិវិធី៕
ប្រភព៖ អធិការដ្ឋាននគរបាលស្រុកថ្មគោល
