ក្រុមតោខៀវ Chelsea កំពុងរៀបចំកិច្ចចរចាបន្តកិច្ចសន្យាជាមួយ Mason Mount ដែលបានក្លាយជាកីឡាករឆ្នើមប្រចាំឆ្នាំ ២០២០-២១។
បច្ចុប្បន្នខ្សែបម្រើវ័យ ២២ឆ្នាំរូបនេះ គឺជាកីឡាករម្នាក់ក្នុងចំណោមកីឡាករឈុតដំបូង ដែលរកចំណូលបានទាបបំផុត ដោយរកបានប្រហែល ៧៥.០០០ ផោនក្នុងមួយសប្តាហ៍ ខណៈគាត់នៅសល់កុងត្រាតែជាងពីរឆ្នាំកន្លះប៉ុណ្ណោះ លើកិច្ចព្រមព្រៀងបច្ចុប្បន្ន។
គួរបញ្ជាក់ថា ពេលនេះនៅមិនទាន់មានការផ្តល់ជូនកិច្ចសន្យាផ្លូវការណាមួយ ដែលត្រូវបានធ្វើឡើងចំពោះ Mount ទេ ខណៈដែលក្រុមតោខៀវ Chelsea កំពុងធ្វើការលើកិច្ចព្រមព្រៀងសម្រាប់ខ្សែការពារ Antonio Rudiger, Andreas Christensen និង Trevoh Chalobah៕
