កីឡាករ Jack Grealish អាចត្រូវបានគេសួរនៅក្នុងករណីរំលោភសេពសន្ថវៈរបស់ កីឡាករ Benjamin Mendy។
គួររំលឹកថា Grealish ជាអ្នកដែលបានចូលរួមពិធីជប់លៀងជាមួយមិត្តរួមក្រុម Manchester City ឈ្មោះ Mendy ប៉ុន្មានម៉ោងមុនពេលដែលគាត់ត្រូវបានគេចោទប្រកាន់ថា បានប្រព្រឹត្តបទល្មើសលើក្មេងស្រីម្នាក់។
ក្នុងនោះកីឡាករទាំងពីរ បានចូលរួមក្នុងក្លឹបរាត្រី Chinawhite ក្នុងទីក្រុង Manchester រួមជាមួយតារាឆ្នើម Riyad Mahrez របស់ក្រុម Man City កាលពីខែសីហាផងដែរ។
យ៉ាងណាមិញទាំង Grealish និង Mahrez មិនបានទៅផ្ទះរបស់ Mendy នៅយប់នៃបទល្មើសនោះទេ ហើយគ្មានការលើកឡើងថា កីឡាករណាជាប់ពាក់ព័ន្ធនោះឡើយ។
ប៉ុន្តែ ទោះជាយ៉ាងណា ប៉ូលីសអាចសម្ភាស Grealish ទាក់ទងនឹងការស៊ើបអង្កេតរបស់ពួកគេ នេះបើយោងតាមរបាយការណ៍របស់ The Sun៕
