យោងតាមរបាយការណ៍បានឲ្យដឹងថា លោក Ole Gunnar Solskjaer នឹងមិនត្រូវបានបណ្តេញចេញពីតំណែងជាគ្រូបង្វឹករបស់ក្រុមបិសាចក្រហម Manchester United ឡើយ ខណៈដែលពួកគេនៅតែបន្តគាំទ្រការដឹកនាំរបស់គាត់។
តំណែងរបស់គ្រូបង្វឹកន័រវែសរូបនេះ ត្រូវបានស្ថិតក្រោមហានិភ័យ បន្ទាប់ពីលទ្ធផលមិនល្អរួមទាំងការបរាជ័យ ៤-២ របស់ពួកគេក្រោមថ្វីជើង Leicester City កាលពីថ្ងៃសៅរ៍កន្លងទៅ។
មនុស្សជាច្រើនយល់ថា ក្រុមបិសាចក្រហមគឺល្អគ្រប់គ្រាន់ក្នុងការឈ្នះពានរង្វាន់នៅរដូវកាលនេះ ប៉ុន្តែគ្រប់យ៉ាងគឺផ្ទុយស្រឡះ។
សារព័ត៌មាន The Athletic បានរាយការណ៍ថា នៅ Old Trafford នឹងមិនបន្ធូរបន្ថយភារកិច្ចរបស់គាត់ឡើយ ហើយនឹងផ្តល់ឱ្យបុរសវ័យ ៤៨ ឆ្នាំរូបនេះ នូវពេលវេលាបន្ថែមទៀត ដើម្បីផ្លាស់ប្តូរអ្វីៗទាំងអស់។
គួរបញ្ជាក់ថា Manchester United មិនដែលឈ្នះសោះនៅក្នុងការប្រកួតក្របខ័ណ្ឌ Premier League ចំនួន ៣ ប្រកួត និងមានការប្រកួតដ៏ស្វិតស្វាញជាមួយក្រុមហង្សក្រហម Liverpool, Manchester City, Chelsea និង Tottenham ក្នុងចំណោមការប្រកួត ៩ លើកបន្ទាប់របស់ពួកគេ៕
