បរទេស៖ ក្រោយការប្រកួតចាញ់របស់ United នៅទឹកដី Leicester ក្នុងលទ្ធផល ៤ទល់២ កាលពីយប់មិញនេះ។ Paul Pogba បានចេញមកនិយាយថា “Manchester United ត្រូវតែធ្វើការផ្លាស់ប្តូរអ្វីម្យ៉ាង ប្រសិនជាចង់អោយមហិច្ឆតាលើកពាន Premier League របស់ពួកគេនៅមានឪកាស”។ ខណៈពេលក្រុមបិសាចក្រហមបានបញ្ចប់ក្នុងចំណាត់ថ្នាក់លេខ ២ ក្នុងលីគកាលពីរដូវកាលមុន និងបរាជ័យក្នុងវគ្គផ្តាច់ព្រ័ត្រ Europa League។
ក្នុងនោះថ្នាក់ដឹកនាំនៅ Old Trafford បានចុះហត្ថលេខាយក Jadon Sancho, Raphael Varane និង Cristiano Ronaldo នៅក្នុងទីផ្សារដោះដូរកីឡាករកាលពីរដូវក្តៅកន្លងទៅ ដើម្បីពង្រឹងសមត្ថភាពក្រុម Man United អោយមានភាពរឹងមាំដូចទៅនឹងសម័យលោក Sir Alex Ferguson ប៉ុន្តែអ្វីៗមិនដូចទៅនឹងការចង់បាននោះទេ។
United បានចាញ់ក្រុម Leicester ក្នុងលទ្ធផល ៤ទល់នឹង២ កាលពីរយប់ថ្ងៃសៅរ៍ដែលនេះ ជាលទ្ធផលអាក្រក់បំផុត នៅក្នុងកាលប្រកួតប៉ុន្មានសប្តាហ៍ចុងក្រោយនេះ។ នៅក្នុងបទសម្ភាស៍មួយក្រោយចាញ់ការប្រកួត Pogba បាននិយាយថា ” United ត្រូវការផ្លាស់អ្វីម្យ៉ាង “។
Pogba បានប្រាប់ទៅ Skysport ថា “មែន ខ្ញុំគិតថា យើងត្រូវស្វែងរកអ្វីម្យ៉ាង និងផ្លាស់ប្តូរអ្វីម្យ៉ាង។ ប្រសិនបើយើងចង់ប្រកួតប្រជែង ហើយប្រសិនបើយើងចង់ឈ្នះពានរង្វាន់ ដូច្នេះការប្រកួតទាំងនោះ គឺយើងត្រូវតែឈ្នះ ទោះបីជាការប្រកួតនោះពិបាកក៏ដោយ។ទោះបីពួកយើងត្រូវប្រកួតក្រៅដី ក៏យើងត្រូវស្វែងរកនៅ យុទ្ធសាស្ត្រត្រឹមត្រូវមួយដើម្បីទទួលបានជ័យជំនះ។ នោះគឺជាគំនិតរបស់ខ្ញុំ។ យើងត្រូវរួមគ្នាហើយស្វែងរកបញ្ហា”៕
ប្រភព៖ Manchester Evening News
