កីឡាករ Eden Hazard នៅតែជាបញ្ហារបស់ Real Madrid បើទោះបីជាមានការអះអាងថា បញ្ហារបួសរបស់គាត់បានធូរស្បើយច្រើនក៏ដោយ។
ខ្សែប្រយុទ្ធបែលហ្ស៊ិកវ័យ ៣០ឆ្នាំរូបនេះ ចូលហ្វឹកហាត់ជាមួយក្រុម ប៉ុន្តែរូបគេត្រូវបានក្រុមគ្រូពេទ្យធ្វើតេស្តចំពោះបញ្ហារបួសសាច់ដុំ ខណៈដែលគេនឹងមិនអាចចូលរួមក្នុងការប្រកួត Champions League ជាមួយ Shakhtar Donetsk បាននៅឡើយទេ។
ជាមួយនឹងការប្រកួត Clasico លើកដំបូងនៃរដូវកាល នៅថ្ងៃទី ២៤ ខែតុលា Hazard នឹងត្រូវលេងដោយប្រុងប្រយ័ត្ន ទោះបីខ្សែប្រយុទ្ធរូបនេះ មានភាពរឹងមាំគ្រប់គ្រាន់ដើម្បីលេងក្នុងការប្រកួត។
គួរបញ្ជាក់ថា ចាប់តាំងពីបានចូលរួមជាមួយក្លឹបអធិរាជសនៅឆ្នាំ ២០១៩ Hazard ពិតជាមិនដែលចូលរួមក្នុងការប្រកួត Clasico ឡើយ ដោយរបួសធ្វើអោយគាត់នៅក្រៅការប្រកួតរាល់ពេល៕
