អ្នកចាត់ការទូទៅក្រុមបិសាចក្រហម Manchester United លោក Ole Gunnar Solskjaer បានពន្យល់ពីមូលហេតុដែលលោកសម្រេចចិត្តដាក់ Cristiano Ronaldo នៅកៅអីបម្រុងក្នុងការប្រកួតទល់នឹងក្រុម Everton ។ អ្នកចាត់ការសញ្ជាតិន័រវេសរូបនេះទទួលបានការរិះគន់យ៉ាងច្រើន ខណៈដែលក្រុមបិសាចក្រហម Manchester United បានត្រឹមស្មើក្រុម Everton ដោយបញ្ចប់ក្នុងលទ្ធផលស្មើ ១-១ នៅកីឡដ្ឋាន Old Trafford មុនពេលការសម្រាកអន្តរជាតិ។
មានការរិះគន់យ៉ាងខ្លាំងដែលផ្តោតលើអ្នកចាត់ការ ពីសំណាក់អ្នកគាំទ្រ និងអ្នកជំនាញ លើការសម្រេចចិត្តរបស់គាត់។ លើសពីនេះទៅទៀត Cristiano Ronaldo បានស៊ុតបាល់បញ្ចូលទី ៣ គ្រាប់ជួយឱ្យក្រុមជម្រើសជាតិព័រទុយហ្កាល់ យកឈ្នះលើ លុចសំបួរ អំឡុងពេលសម្រាកអន្ដរជាតិ ដែលនេះវាបានបន្ថែមកំដៅកាន់តែខ្លាង។
ឥឡូវនេះ Solskjaer បានបើកបង្ហាញពីមូលហេតុដែលគាត់សម្រេចចិត្តដាក់ Cristiano Ronaldo នៅកៅអីបម្រុងសម្រាប់ការប្រកួតទល់នឹង Everton ។ ថ្លែងទៅកាន់អ្នកយកព័ត៌មាន នៅក្នុងសន្និសីទសារព័ត៌មានមុនការប្រកួតទល់នឹងក្រុម Leicester City គ្រូបង្វឹកក្រុមបិសាចក្រហម Manchester United បានបកស្រាយថា៖ «គាត់គឺជាកីឡាករដ៏អស្ចារ្យម្នាក់ ជាអ្នកស៊ុតបាល់បញ្ចូលទីយ៉ាងពិសេស ជាអ្នករកគ្រាប់បាល់បានល្អបំផុត វាពិតជាពិបាកក្នុងការទុកគាត់ចោល ហើយខ្ញុំគិតថាអ្នករាល់គ្នានឹងពេញចិត្ត អ្នកសាកល្បងគិតមើល បើសិនជាអ្នកវិញ អាចទេដែលលេង ៦ប្រកួតក្នុងរយៈពេល ៦ថ្ងៃ ហើយត្រូវលេងក្នុងជម្រើស ១១នាក់ដំបូងទៀតនោះ»។ គាត់ជាកីឡាករអស្ចារ្យ ប៉ុន្តែគាត់ក៏ត្រូវការពេលវាលាដើម្បីសម្រាកដែរ។
យើងផ្តោតលើការប្រកួត សម្រាប់ចុងរដូវកាល ហើយខ្ញុំជាអ្នកគ្រប់គ្រងកីឡាករសម្រាប់ក្លឹប ខ្ញុំត្រូវតែមានការប្រុងប្រយ័ត្ន។ វាពិតជាល្អដែលមានវត្តមាន CR7 នៅលើទីលាន គាត់តែងតែរកគ្រាប់បាល់បាន។ ពេលមានវត្តមានគាត់នៅលើទីលាន យើងតែងតែទទួលបានលទ្ធផលល្អ៕
