លោក Brendan Rodgers អ្នកចាត់ការទូទៅរបស់ Leicester City បានបញ្ជាក់យ៉ាងច្បាស់ថា គាត់មិនចាប់អារម្មណ៍លើតំណែងគ្រូបង្វឹករបស់ Newcastle United ទេ បន្ទាប់ពីមានការរំពឹងទុកថា គាត់អាចជំនួសលោក Steve Bruce។
Bruce ត្រូវបានគេរំពឹងថានឹងបាត់បង់តួនាទីរបស់គាត់ក្នុងនាមជាអ្នកចាត់ការទូទៅរបស់ក្រុមសារិការព្រៃ បន្ទាប់ពីក្លឹបបានផ្លាស់ប្តូរម្ចាស់ថ្មី។ បញ្ជាក់ផងដែរថា លោក Rodgers បានដឹកនាំ Leicester តាំងពីឆ្នាំ ២០១៩ ហើយបានដឹកនាំពួកគេឱ្យទទួលបានជោគជ័យទាំង FA Cup និង Community Shield នៅឆ្នាំ ២០២១ ។
ដូចដែលសារព័ត៌មាន Sky Sports បានរាយការណ៍ថា Rodgers មិនមានបំណងប្រជែងតំណែងរបស់ Bruce ទេ ហើយគាត់សប្បាយចិត្តនៅជាមួយ Leicester ដោយជឿជាក់ថានៅមានអ្វីជាច្រើន ដែលត្រូវធ្វើជាមួយក្រុមកីឡាករបច្ចុប្បន្នរបស់គាត់៕
