យោងតាមភ្នាក់ងាររបស់ក្លឹប Leeds United បានបញ្ជាក់ថាក្រុមហង្សក្រហម Liverpool បានបង្ហាញចំណាប់អារម្មណ៍ក្នុងការចុះហត្ថលេខាជាមួយកីឡាករ Raphinha ក្នុងរដូវកាលដោះដូរកីឡាកររដូវក្តៅខាងមុខនេះ។
ខ្សែបម្រើស្លាបអន្តរជាតិប្រេស៊ីលវ័យ ២៤ឆ្នាំរូបនេះបានបញ្ចប់ការផ្លាស់ប្តូរ ១៧ លានផោន (២៣ លានដុល្លារ) ពី Rennes នៅខែតុលាឆ្នាំ ២០២០។
Raphinha បានជួយឱ្យក្រុម Leeds ទទួលបានចំណាត់ថ្នាក់លេខ ៩ នៅ Premier League ក្នុងរដូវកាលទី ១ របស់ពួកគេក្នុងក្របខ័ណ្ឌកំពូល ដោយខ្សែបម្រើស្លាបរូបនេះ ក៏បានទាក់ទាញការចាប់អារម្មណ៍ពីក្លឹបកំពូលៗ មួយចំនួនដូចជា Barcelona និង Chelsea ផងដែរ៕
