អ្នកចាត់ការក្រុមកាំភ្លើងធំ Arsenal លោក Mikel Arteta មិនមានបំណងបញ្ជូនកីឡាករ Gabriel Martinelli ក្នុងលក្ខខណ្ឌខ្ចីជើងនៅក្នុងទីផ្សារដោះដូរកីឡាករខែមករាខាងមុខនេះទេ ដោយកីឡាករប្រេស៊ីលរូបនេះ ជាផ្នែកមួយនៃផែនការរបស់លោក បើទោះបីជាមិនសូវបានលេងនៅរដូវកាលនេះក៏ដោយ។
ខ្សែប្រយុទ្ធវ័យ ២០ ឆ្នាំរូបនេះ លេងបានតែ ១៥០ នាទីប៉ុណ្ណោះ នៃការប្រកួតបាល់ទាត់ក្របខ័ណ្ឌ Premier League ក្នុងពីរប្រកួតក្នុងឆ្នាំ ២០២១-២២ ខណៈដែលបង្ហាញខ្លួនបានតែ ៤ ប្រកួតប៉ុណ្ណោះ ដោយសារបញ្ហារបួស។
ទោះយ៉ាងណាក្រុមកាំភ្លើងធំ Arsenal មិនមានគម្រោងអនុញ្ញាតឲ្យកីឡាករផ្ទេរចេញ ឬខ្ចីជើងពីកីឡដ្ឋាន Emirates ក្នុងឆ្នាំថ្មីនេះទេ។
គួរជម្រាបថា Martinelli នឹងវិលត្រឡប់មកប្រកួតនៅ Premier League វិញនៅថ្ងៃចន្ទទទួលភ្ញៀវ Crystal Palace របស់អតីតតារាឆ្នើមរបស់ក្រុមកាំភ្លើងធំគឺលោក Patrick Vieira៕
