ភ្នំពេញ៖ នៅក្នុងការប្រកួតជើងទីពីរវាងកម្ពុជា និងកោះហ្គាំ គឺមិនមានការបង្ហាញខ្លួននៅកីឡាករខ្សែរប្រយុទ្ធ ចាន់ វឌ្ឍនាកា នោះទេ។ នេះបានធ្វើអោយមានចម្ងល់យ៉ាងច្រើន ទៅលើមូលហេតុដែលអវត្តមានរូបគាត់។ ដោយសូម្បីតែឈ្មោះ ជាកីឡការបំរុងក៏គ្មានផង។ តាមពិតការអវត្តរបស់ ចាន់ វឌ្ឍនាកា បណ្តាលមកពីគាត់បានឆ្លងជំងឺកូវីដ១៩ សោះ។
នេះបើយោងតាមការធ្វើសន្និសិទសារព័ត៌មានមួយ នៅថ្ងៃទី១៤ ខែតុលា ឆ្នាំ២០២១នេះ តាមរយៈប្រព័ន្ធអនឡាញ គឺបានបញ្ជាក់ថាក្រុមជម្រើសជាតិកម្ពុជា ៦នាក់ បានឆ្លងកូវីដ១៩។
កីឡាករ៦នាក់ដែលឆ្លងកូវីដ១៩នោះ រួមមាន៖ គួច សុកុម្ភៈ, សឿយ វិសាល, សារ៉េត គ្រីយ៉ា, កែវ សុខសិលា, ចាន់ វឌ្ឍនាកា និងអៀន ពិសី។ ហើយបច្ចុប្បន្ននេះ ពួកគេទាំង ៦នាក់ កំពុងសម្រាក់ព្យាបាលជំងឺកូវីដ១៩ នៅក្នុងសណ្ឋាគារមួយ ដែលបានរៀបចំដោយក្រសួងសុខាភិបាល៕
