ក្លិប Real Madrid សង្ឃឹមយ៉ាងមុតមាំក្នុងការនាំយកខ្សែបម្រើ Paul Pogba មកចូលក្រុម ដោយមិនមានតម្លៃផ្ទេរនៅរដូវក្ដៅឆ្នាំក្រោយ។ ខ្សែបម្រើរបស់ Manchester United រូបនេះ បានត្រៀមខ្លួនចាកចេញពីទឹកដី Old Trafford ក្រោយបញ្ចប់កិច្ចសន្យានៅទីនោះ ពេលចប់រដូវកាល។
តាមការរាយការណ៍បានឱ្យដឹងថា Real Madrid មានទំនុកចិត្តថាពួកគេអាចនាំយកខ្សែបម្រើវ័យ ២៨ឆ្នាំមកកាន់ទឹកដី Santiago Bernabeu បន្ទាប់ពីចង់បានរូបគេជាច្រើនឆ្នាំមកហើយ។
ក្លិបអេស្ប៉ាញមួយនេះ ក៏រំពឹងថានឹងអាចនាំយកមិត្តរួមក្រុមជម្រើសជាតិបារាំងរបស់គេគឺ Kylian Mbappe ពីក្លិប Paris Saint-Germain មកចូលក្រុមបានផងដែរ។
ទោះយ៉ាងណាក្ដី Man Utd នៅតែមិនបោះបង់ការបញ្ចុះបញ្ចូល Pogba ឱ្យបន្ដកិច្ចសន្យាថ្មី ហើយរំពឹងថាការមកដល់របស់មិត្តរួមជាតិ Raphael Varane និងតារាឆ្នើម Cristiano Ronaldo អាចទាក់ចិត្តឱ្យគេបន្ដលេងនៅ Old Trafford ទៀត។
ទោះជាយ៉ាងណា Pogba គេបានបើកទូលាយនូវជម្រើសរបស់ខ្លួន ដោយបានអះអាងថា គេនឹងសម្រេចពីអនាគតដោយខ្លួនឯងនៅរដូវក្ដៅនេះ៕
