លោក Ole Gunnar Solskjaer គ្រូបង្វឹកក្រុមបិសាចក្រហម ត្រូវបានចោទប្រកាន់ពីបទ «និយាយកុហក» ចំពោះខ្សែបម្រើហូឡង់ Donny van de Beek ដោយអតីតកីឡាករបាល់ទាត់របស់ Manchester United លោក Paul Ince។
Paul Ince មិនបាននិយាយដោយចំៗ អំពីរបៀបដែលលោក Solskjaer បានប្រព្រឹត្តចំពោះអតីតតារាឆ្នើមរបស់ Ajax ក្នុងពេលគាត់នៅ United ។ លោក Ince បានអះអាងថា កីឡាករអន្តរជាតិហូឡង់រូបនេះ ត្រូវបានគេបោកបញ្ឆោតតាំងពីការមកកាន់ទឹកដី Old Trafford ហើយបានជំរុញឱ្យរូបគេផ្លាស់ប្តូរចេញ នៅរដូវកាលដោះដូរកីឡាករខែមករាទៅវិញ។
ខ្សែបម្រើហូឡង់វ័យ ២៤ឆ្នាំរូបនេះ បានផ្លាស់មកទឹកដី Old Trafford នៅរដូវក្តៅឆ្នាំ ២០២០ ដែលជាតារាវ័យក្មេងមួយរូបចេញពីក្រុម Ajax ដែលធ្លាប់បានធ្វើឱ្យមានការភ្ញាក់ផ្អើលក្នុងក្របខ័ណ្ឌ Champions League ដោយជួយក្រុមឈានទៅវគ្គ ៨ ក្រុមចុងក្រោយ៕
