ក្រុមយក្សបារាំង Paris Saint-Germain ត្រូវបានគេរាយការណ៍ថាមានគម្រោងផ្តល់ជូនខ្សែប្រយុទ្ធបារាំង Kylian Mbappe នូវកិច្ចសន្យាថ្មីរយៈពេលពីរឆ្នាំ។ កិច្ចសន្យាបច្ចុប្បន្នរបស់ខ្សែប្រយុទ្ធវ័យ ២២ ឆ្នាំរូបនេះនៅកីឡដ្ឋាន Parc de Princes គ្រោងនឹងផុតកំណត់នៅចុងរដូវកាលនេះ។
អនាគតរបស់ Mbappe ត្រូវាបានជជែកវែកញែកក្នុងរយៈពេលពីរបីខែចុងក្រោយនេះ។ Real Madrid ត្រូវបានគេរាយការណ៍ថាកៀកនឹងឈានដល់កិច្ចព្រមព្រៀងជាមួយ PSG ជាមួយមួយនឹងតម្លៃ ១៧០ លានផោនបូកនឹងប្រាក់រង្វាន់បន្ថែមចំនួន ១០ លានផោនក្នុងការផ្ទេរ។
ទោះបីជាដឹងថា Mbappe នៅសល់តែ ១ ឆ្នាំទៀតលើកុងត្រារបស់គាត់ក៏ដោយ ក៏ PSG បានបដិសេធមិនព្រមទទួលយកសំណើនេះ។ ឥឡូវនេះកីឡាករសញ្ជាតិបារាំងរូបនេះ នឹងត្រូវបានផ្តល់ជូនកិច្ចព្រមព្រៀងថ្មីមួយ ដោយ PSG មិនចង់បាត់បង់គាត់ដោយគ្មានតម្លៃខ្លួននៅរដូវក្តៅក្រោយ។
Mbappe នឹងមានការសម្រេចចិត្តនៅក្នុងដៃរបស់គាត់ ព្រោះគាត់ដឹងច្បាស់ពីការចាប់អារម្មណ៍របស់ក្លឹបយក្សអេស្ប៉ាញចំពោះគាត់៕
