វីរបុរសក្រុមហង្សក្រហម Liverpool និងអតីតកីឡាករជម្រើសជាតិអង់គ្លេសលោកតា Roger Hunt បានទទួលមរណភាពហើយក្នុងអាយុ ៨៣ ឆ្នាំ។
លោកតា ជាអ្នកឈ្នះពានរង្វាន់បាល់ទាត់ពិភពលោក បានលេងចំនួន ៣៤ ដងសម្រាប់ក្រុមតោកំណាច ចន្លោះពីឆ្នាំ ១៩៦២ ដល់ ១៩៦៩ ដោយរកបាន ១៨ គ្រាប់។
អតីតខ្សែប្រយុទ្ធជម្រើសជាតិអង់គ្លេសរូបនេះ បានចំណាយពេល ១១ ឆ្នាំនៅ Liverpool ដោយស៊ុតបញ្ចូលទីបាន ២៨៥ គ្រាប់ក្នុង ៤៩២ ប្រកួតសម្រាប់ក្លិប ឈ្នះពានរង្វាន់លីគ ២ ដងនិង FA Cup ។ ហើយគាត់គឺ ជាអ្នកស៊ុតបញ្ចូលទីច្រើនជាងគេទី ២ របស់ Liverpool នៅក្នុងប្រវត្តិសាស្ត្ររបស់ពួកគេ៕
