លោក Carlo Ancelotti បាននិយាយយ៉ាងចំៗថា FIFA អាចនឹងធ្វើការប្រកួតបាល់ទាត់ពិភពលោករៀងរាល់ឆ្នាំ បន្ទាប់ពីស្ថាប័នគ្រប់គ្រងកីឡាបាល់ទាត់ បានបង្ហាញផែនការសម្រាប់ការប្រកួតធំដែលនឹងត្រូវលេងរៀងរាល់ពីរឆ្នាំម្តង។
អ្នកចាត់ការទូរទៅសញ្ជាតិអ៊ីតាលី ក៏បានផ្តល់គំនិតរបស់គាត់លើវិស័យផ្សេងទៀត ដែលទាក់ទងនឹងការងាររបស់គាត់ ជាពិសេសការចាប់ផ្តើមអាជីពរបស់គាត់នៅ Real Madrid វិញ។
គាត់បានប្រាប់វិទ្យុ Rai ថា «ខ្ញុំកំពុងរស់នៅយ៉ាងសុខសាន្តនៅឯក្លិប Real Madrid ។ ខ្ញុំសង្ឃឹមថានឹងស្នាក់នៅជាច្រើនឆ្នាំទៀត»។ «យើងបានចាប់ផ្តើមជាមួយនឹងការលំបាកមួយចំនួន ប៉ុន្តែយើងមានស្មារតីល្អ ហើយយើងបានធ្វើការកែតម្រូវ កំឡុងពេលប្រកួតដោយផ្អែកលើចរិតលក្ខណៈរបស់យើង” ។
ថ្វីបើមានការចាកចេញពីកំពូលតារាឆ្នើមដូចជា Sergio Ramos និង Leo Messi ក៏ដោយ ក៏លោក Ancelotti ជឿជាក់ថា LaLiga Santander នឹងមិនមានឱនភាពឡើយ។ គាត់បាននិយាយថា «LaLiga បានបាត់បង់កីឡាករឆ្នើមៗនៅរដូវក្តៅ ប៉ុន្តែមានអ្នកផ្សេងទៀតដែលកំពុងលេចធ្លោឥឡូវនេះ” ។ «ម្នាក់ក្នុងចំនោមពួកគេគឺជា Vinicius គឺជាកីឡារកររបស់យើង។ យើងមានការលើកទឹកចិត្តយ៉ាងខ្លាំង ហើយយើងបានចាប់ផ្តើមរដូវកាលបានយ៉ាងល្អ»។
បន្ទាប់មកលោក Ancelotti បានផ្តល់ទស្សនៈរបស់គាត់ អំពីការប្រកួតបាល់ទាត់ពិភពលោក ដែលគ្រោងនឹងធ្វើឡើងជារៀងរាល់ពីរឆ្នាំម្តង។ គាត់និយាយបែបចំអកថា «លេងបាល់ទាត់ពិភពលោករៀងរាល់ ២ ឆ្នាំម្តង0x017d7» កាលវិភាគគឺជាបញ្ហាធ្ងន់ធ្ងរណាស់ គឺយើងមានការប្រកួតដែលគ្មានន័យ៕
