កីឡាករសំខាន់ពីររូបទៀតរបស់ក្រុម Tottenham Hotspur គឺ Lucas Moura និង Steven Bergwijn ស្ថិតក្នុងបញ្ជីកីឡាកររបួសជាមួយ Son Heung-min មុនត្រូវជួបជាមួយក្រុមខ្លាំង Chelsea ក្នុងការប្រកួតនាថ្ងៃអាទិត្យខាងមុខនេះ។
Moura និង Bergwijn ត្រូវបានបញ្ចូលឈ្មោះក្នុងបញ្ជីជម្រើសដំបូង ក្នុងក្រុមរបស់លោក Nuno Espirito Santo ក្នុងការប្រកួត Europa Conference League វគ្គចែកពូលទល់នឹង Rennes កាលពីរាត្រីថ្ងៃព្រហស្បតិ៍ ដែលបញ្ចប់ក្នុងលទ្ធផលស្មើគ្នា ២-២។
ប៉ុន្ដែរឿងដែលកាន់តែគួរឱ្យបារម្ភសម្រាប់ Spurs នោះគឺ Bergwijn ត្រូវបានបង្ខំចិត្តប្ដូរចេញ ក្រោយលេងបាន៤៥នាទី បន្ទាប់ពីមានបញ្ហារបួសកជើង ខណៈ Moura ក៏រងរបួសផងដែរ នៅក្នុងតង់ទី២។
អ្នកចាត់ការ Nuno មិនប្រាកដថា Moura និង Bergwijn អាចចូលរួមការប្រកួតបាន នៅចុងសប្ដាហ៍នេះយ៉ាងណានៅឡើយទេ ខណៈដែល Son ក៏មិនទាន់អាចជួយក្រុមបានផងដែរ៕
