ប្រធានក្រុមជម្រើសជាតិអង់គ្លេស Harry Kane បានបញ្ជាក់ថា ក្រុមអង់គ្លេសបានរាយការណ៍ពីការប៉ះទង្គិចគ្នារវាង Harry Maguire និង Kamil Glik របស់ប៉ូឡូញ ទៅកាន់សមាគមកីឡាបាល់ទាត់ (FA) បន្ទាប់ពីការប្រកួតស្មើក្នុងជម្រុះ World Cup កាលពីថ្ងៃពុធ។
ក្រុមតោកំណាចអង់គ្លេស បានត្រឹមចែកពិន្ទុគ្នាមួយពិន្ទុម្នាក់ ខណៈដែលពួកគេបានបញ្ចប់ក្នុងលទ្ធផល ១-១ នៅ Warsaw។
កាលពីថ្ងៃព្រហស្បតិ៍អ្នកនាំពាក្យរបស់ FA បានបញ្ជាក់ថាឧប្បត្តិហេតុនេះ កំពុងត្រូវបានត្រួតពិនិត្យមើលដោយបញ្ជាក់ថា FIFA កំពុងស្ថិតនៅក្នុងដំណើរការនៃការវិភាគរបាយការណ៍។
ទោះជាយ៉ាងណា ថ្វីបើអង់គ្លេសមិនទទួលបានជ័យជម្នះក្នុងប្រកួតនេះក៏ដោយ ក៏អង់គ្លេសនៅតែរក្សាបានជំហ៊ានយ៉ាងល្អដើម្បីឈានដល់ កាតាឆ្នាំ ២០២២ ។
គួរជម្រាបថា ក្រុមតោកំណាចមាន ៤ ពិន្ទុដាច់ក្រុមអាល់បានី ដែលឈរនៅលេខ ២ ក្នុងពូល ហើយអាចមានសិទ្ធិលេងពីរប្រកួតទៀតនៅខែតុលា ប្រសិនបើពួកគេឈ្នះទាំងពីរប្រកួតទល់នឹងអាន់ឌូរ៉ា ពួកគេនឹងបន្តដំណើរទៅមុខទៀត៕
សូមទស្សនាវីដេអូខាងក្រោម៖
