ប្រធានក្លឹប Barcelona លោក Joan Laporta បានច្រានចោលនៅពាក្យចចាមអារ៉ាម ដែលចុះផ្សាយថា ក្លឹបនៅអង់គ្លេសចំនួន ២ មាន Man Utd និង Man City បានដាក់សំណើចរចាមកកាន់ភាគីក្លឹបអេស្ប៉ាញ ជុំវិញការចង់បានខ្សែប្រយុទ្ធចេញពីទឹកដី Camp Nou។
Barca ដែលទើបតែរបូត Messi បានផ្តល់បទសម្ភាសន៍កាលពីពេលថ្មីៗនេះថា៖ “រឿងដែលគេចុះផ្សាយលើកាសែត ថាក្លឹបអង់គ្លេស Man Utd និង Man City បានដាក់សំណើមកពួកយើង រឿងចង់បាន Fati នោះគឺមិនមែនជាការពិតទេ”។
លោកបន្តថា៖ “Ansu គេជាក្មេងប្រុសដ៏ក្លាហានមួយរបស់ពួកយើង ដែលគេមិនខ្លាចនឹងការទទួលយកអាវលេខ ១០ តែនេះក៏ដោយសារប្រធានក្រុមបើកភ្លើងខៀវ អនុញ្ញាតសម្រាប់គេដែរទេ”។
គួរបញ្ជាក់ថា Fati បា វិវត្តខ្លួនក្លាយជាយុវជនដ៏លេចធ្លោមួយ នៅលីគកំពូលអឺរ៉ុប ហើយរដូវកាលនេះ គេទំនងជាទទួលបន្ទុកច្រើន ជាពិសេសក្រោយប្តូរមកប្រើអាវលេខ ១០។ សុពលភាពកុងត្រារបស់កីឡាករ សញ្ជាតិដើមហ្គីណេប៊ីសៅ ត្រូវផុតនៅចុងខែមិថុនា ឆ្នាំ ២០២២ ខណៈដែលបច្ចុប្បន្ន គេអាចមានហាងឆេង ថ្លៃខ្លួនល្បាក់ ៦០ លានអឺរ៉ូ៕
