ក្រុមហង្សក្រហម Liverpool កំពុងទាក់ទងឥតឈប់ឈរ ជាមួយកីឡាករ Naby Keita បន្ទាប់ពីខ្សែបម្រើអន្តរជាតិហ្គីណេរូបនេះ ត្រូវបានជាប់នៅក្នុងស្ថានភាពនយោបាយ ដែលមានការប្រែប្រួល ត្រូវបានគេរាយការណ៍ថា មានការប៉ុនប៉ងធ្វើរដ្ឋប្រហារ រំលាយរដ្ឋាភិបាលនៅស្រុកកំណើតរបស់គេ។
គួរជម្រាបថា ភាពចលាចលនៅប្រទេសហ្គីណេ បាននាំឲ្យការប្រកួតជម្រុះ World Cup ជាមួយក្រុមជម្រើសជាតិម៉ារ៉ុក ដែលនឹងប្រព្រឹត្តទៅនៅថ្ងៃចន្ទនេះ ត្រូវបានពន្យារពេលដោយគ្មានការកំណត់ផងដែរ។
យោងតាមសេចក្តីរាយការណ៍បានឲ្យដឹងថា តំបន់ព្រំប្រទល់ប្រទេសហ្កីណេទាំងអស់ត្រូវបានបិទ និងមិនទាន់ត្រូវបានកំណត់ថា នៅពេលណាដែល Keita នឹងអាចត្រលប់មក Anfield វិញនោះទេ៕
