Toni Kroos និយាយថា គេនៅតែមានការឈឺចាប់នឹងរបួស ហើយមិនដឹងថា ពេលណានឹងត្រលប់ចូលលេងវិញបានទេ ខណៈដែលរបួសក្រលៀន នៅមិនទាន់បានជាសះស្បើយ ១០០%។
អតីតកីឡាករជម្រើសជាតិអាល្លឺម៉ង់រូបនេះ មិនបានបង្ហាញទម្រង់លេងនៅរដូវកាលនេះទេ បន្ទាប់ពីរងរបួស អំឡុងពេលហ្វឹកហាត់មុនបើករដូវកាល នៅដើមខែសីហាកន្លងមកនេះ។ ខ្សែបម្រើរបស់ក្លិបអធិរាជស វ័យ ៣១ ឆ្នាំរូបនេះ បានបញ្ជាក់ថា រូបគេកំពុងខិតខំព្យាយាមឲ្យបានលឿនបំផុត ប៉ុន្តែមិនអាចដឹងបានច្បាស់ថា ពេលណាគាត់នឹងពាក់អាវ Blancos ម្តងទៀតនោះឡើយ។
ទោះយ៉ាងណា Real Madrid មិនទាន់ទទួលបានអត្ថប្រយោជន៍ពីការសម្រេចចិត្តរបស់ Kroos នៅឡើយទេ ដោយអតីតខ្សែបម្រើរបស់ក្លឹប Bayern Munich រូបនេះបានខកខានការប្រកួតបីលើកដំបូងរបស់ពួកគេនៅរដូវកាលនេះ៕
