Willian បានចាកចេញពី Arsenal បន្ទាប់ពីយល់ព្រមបញ្ចប់កិច្ចសន្យាពីរឆ្នាំដែលនៅសល់ ហើយគ្រោងនឹងចុះហត្ថលេខាជាមួយក្លឹប Corinthians នៅ São Paulo វិញ។
ខ្សែបម្រើប្រេស៊ីលវ័យ ៣៣ឆ្នាំរូបនេះ បានចុះហត្ថលេខាលើកិច្ចសន្យារយៈពេល ៣ឆ្នាំនៅពេលដែលគាត់បានចូលរួមក្នុងការផ្ទេរដោយឥតតម្លៃខ្លួន ពីក្រុមតោខៀវ Chelsea កាលពីរដូវក្តៅមុន។
ទោះយ៉ាងណា Willian មិនបានបង្ហាញតម្រង់លេងបានល្អនោះទេ នៅ Emirates ដោយស៊ុតបញ្ចូលទីបានតែ ១ ដងប៉ុណ្ណោះក្នុងការបង្ហាញខ្លួន ៣៨ លើក។
បន្ទាប់ពីធ្វើការពិភាក្សាអំពីអនាគត ខ្សែបម្រើស្លាបរូបនេះ បានយល់ព្រមរំលងប្រាក់ឈ្នួលដែលគេជំពាក់ក្នុងរយៈពេល ២ ឆ្នាំចុងក្រោយនៃកិច្ចសន្យារបស់គេ និងដើរចេញដោយក្លាយជាកីឡាករដែលឥតតម្លៃខ្លួន៕
