លទ្ធភាពនៃការចាកចេញរបស់ Jules Kounde ពី Sevilla នៅរដូវក្តៅនេះនឹងកំពុងធ្លាក់ចុះ ព្រោះក្លឹបរបស់គាត់បានបញ្ជាក់ពីជំហររបស់ពួកគេចំពោះ Chelsea ដោយតម្រូវឲ្យតោខៀវបង់ប្រាក់ចំនួន ៨០លានអឺរ៉ូ បើមិនដូច្នោះទេក្លឹបនឹងបន្តរក្សា Kounde ឲ្យនៅ Sevilla បន្តទៀត។
ក្រុមតោខៀវ Chelsea មិនបានធ្វើការផ្តល់ជូនថ្មីក្នុងរយៈពេលប៉ុន្មានម៉ោងចុងក្រោយនេះទេ ហើយ Sevilla ជឿជាក់ថារឿងនេះនឹងនៅតែបន្តរហូតទីផ្សារដោះដូរកីឡាករបិទ ហើយ Kounde មានកិច្ចព្រមព្រៀងផ្ទាល់មាត់ ជាមួយម្ចាស់ជើងឯកអឺរ៉ុបបច្ចុប្បន្ន លើកិច្ចសន្យារហូតដល់ឆ្នាំ ២០២៦ ។
បញ្ជាក់ផងដែរថា កីឡាករវ័យ ២២ឆ្នាំរូបនេះ មិនត្រូវបានបញ្ចូលក្នុងក្រុមដែលបានធ្វើដំណើរទៅ Elche សម្រាប់ការប្រកួត LaLiga Santander របស់ពួកគេទេ ហើយឥឡូវនេះគាត់នឹងត្រូវចូលរួមជាមួយក្រុមជម្រើសជាតិបារាំង សម្រាប់ការប្រកួតអន្តរជាតិ៕
