ស្របពេលចចាមអារ៉ាមពាក់ព័ន្ធនឹងខ្សែប្រយុទ្ធ Kylian Mbappe ជាមួយក្លិប Real Madrid កំពុងមានភាពក្ដៅគគុក ខ្សែបម្រើ Toni Kroos បានបន្ថែមសាំងទៅលើភ្លើងកំពុងឆេះ។
នៅពេលប្រធានបទពាក់ព័ន្ធនឹងការផ្ទេរ Messi ទៅកាន់ PSG ខ្សែបម្រើជនជាតិអាល្លឺម៉ង់ Kroos បានលើកឡើងថា វត្តមានរបស់ខ្សែប្រយុទ្ធអាហ្សង់ទីន អាចប៉ះពាល់ដល់កីឡាករម្នាក់ ដែលអាចនឹងផ្លាស់មក Real Madrid។
Kroos បាននិយាយនៅក្នុង Podcast មួយដោយបានលើកឡើងថា៖ “យើងនឹងឃើញគ្រប់យ៉ាងនឹងកើតឡើងបែបណា (ស្របពេលការចូលរួមរបស់ Messi នៅ PSG)។ ការផ្ទេរនេះគឺល្អសម្រាប់យើង ព្រោះគូប្រជែងរបស់យើង នឹងបាត់បង់កីឡាករល្អបំផុតម្នាក់”។
“ហើយរឿងកាន់តែប្រសើរជាងនេះទៀត នឹងមកដល់ជាបន្ដបន្ទាប់ ប្រហែលជាកីឡាករម្នាក់មកពី Paris នឹងចូលរួមជាមួយយើង”៕
