Goal បានផ្សាយថា កីឡាករ Harry Kane បានវិលត្រឡប់មកហ្វឹកហាត់នៅ Tottenham វិញហើយ ដោយកីឡាករអន្តរជាតិអង់គ្លេសរូបនេះ នឹងត្រូវជួយក្រុមលើកដំបូងក្រោមការដឹកនាំរបស់លោក Nuno អ្នកចាត់ការថ្មីរបស់ Spurs ។
ខ្សែប្រយុទ្ធអង់គ្លេសវ័យ ២៨ ឆ្នាំរូបនេះ នៅតែបន្តស្ថិតនៅចំកណ្តាល នៃការរំពឹងទុកយ៉ាងខ្លាំងនៅរដូវក្តៅនេះ ជាមួយនឹងសំណួរគ្មានទីបញ្ចប់ត្រូវបានសួរអំពីអនាគតរបស់គាត់។
ទោះជាយ៉ាងណាក៏ដោយ Manchester City នៅតែចិញ្ចឹមចិត្ត ចាប់អារម្មណ៍ចង់បានម៉ាស៊ីនរកគ្រាប់បាល់របស់ក្លិបមាន់ខ្នាយមាសរូបនេះ ប៉ុន្តែរូបគេនៅតែមានទំនាក់ទំនងល្អជាមួយក្លឹបបច្ចុប្បន្ន។
Kane ត្រូវបានបញ្ចូលក្នុងក្រុមរបស់ Spurs សម្រាប់ការប្រកួតវគ្គជម្រុះ Europa Conference League របស់ពួកគេជាមួយ Pacos de Ferreira នៅថ្ងៃព្រហស្បតិ៍នេះ៕
