ជាការពិតណាស់ ក្លិបបិសាចក្រហម Manchester United បានប្រកាសជាផ្លូវការថា ក្លិបបានព្រមព្រៀងជាមួយ Real Madrid ក្នុងការទិញយក ខ្សែការពារ Raphael Varane បន្ទាប់ពីមានការចរចាគ្នារួចមក។
ខ្សែការពារសញ្ជាតិបារាំងវ័យ ២៣ឆ្នាំរូបនេះ ត្រូវបានគេរាយការណ៍ថា រូបគេមានការពេញចិត្តខ្លាំង ចំពោះការផ្ទេរមក Old Trafford គឺដោយសារគេជាអ្នកគាំទ្ររបស់ក្រុមបិសាចក្រហម និងចាត់ទុកអតីតខ្សែការពារឆ្នើមរបស់ Man UTD គឺលោក Rio Ferdinand ជានិមិត្តរូបថែមទៀតផង។
គួរបញ្ជាក់ផងដែរថា Varane ផ្ទេរពីក្លិប Lens មក Real Madrid កាលពីឆ្នាំ២០១១ ដោយចំណាយពេល១០ឆ្នាំ រួមរស់ជាមួយក្លិបម្ចាស់ពាន UCL ១៣សម័យកាលនេះ ដោយបានឈ្នះពានជាច្រើនជាមួយក្លិប ក្នុងនោះមានពាន La Liga ៣ដង, Copa Del Rey ២ដង និង Champions League ៤ដងផងដែរ៕
