ក្រុម Porto បានប្រកួតមិត្ដភាពកម្ដៅសាច់ដុំ ជាមួយក្រុម Roma កាលពីយប់មិញនេះ នៅឯកីឡដ្ឋាន Camp Bela Vista ដោយបញ្ចប់ក្នុងលទ្ធផល ១ ទល់នឹង ១ ហើយទន្ទឹមនឹងនោះ ក៏មានការប៉ះទង្គិចគ្នាមួយប្រាវ នៅក្នុងតង់ទី ២ផងដែរ រវាងកីឡាករ Pepe នឹង Henrikh Mkhitaryan ។
នៅមុនពេលមានការប៉ះទង្គិចគ្នា គេមើលឃើញថា Pepe បានព្យាយាមរត់ទៅបាំង និងបានភ្ជាប់កែងដៃទៅជាមួយ បណ្ដាលឲ្យប៉ះត្រូវផ្ទៃមុខរបស់កីឡាករ Mkhitaryan មួយទំហឹង ជាហេតុធ្វើឲ្យរូបគេខឹងសម្បាយ៉ាងខ្លាំង ហើយបានស្ទុះមករក Pepe វិញ មួយរំពេចតែម្ដង។
ទោះជាយ៉ាងណា ភ្លាមៗនោះទាំងក្រុមការងារ និងមិត្ដរួមក្រុមជាច្រើន ក៏បានរត់មកឃាត់ដើម្បីកុំឲ្យកើតមានជម្លោះកាន់តែធំផងដែរ។ នៅទីបំផុត កីឡាករ Mkhitaryan ត្រូវអាជ្ញាកណ្ដាលផ្ដល់ជូនកាតលឿង ខណៈ Pepe បានរួចផុតការពិន័យ៕
សូមទស្សនាវីដេអូខាងក្រោម៖
Here’s the video of the late challenge from Pepe: pic.twitter.com/DbsuY3Svk1
— Rete This Way: A Calcio Podcast ???? (@ReteThisWay) July 28, 2021
