អ្នកគាំទ្រទូទាំងពិភពលោក បានផ្ទុះការរិះគន់លើកីឡាករជម្រើសជាតិអង់គ្លេស យ៉ាងខ្លាំងនៅលើបណ្ដាញសង្គម ដោយសារតែពួកគេបានដោះមេដាយ ដែលប្រធាន UEFA បំពាក់ឲ្យចេញវិញភ្លាមៗ ក្រោយបានត្រឹមជើងឯករង EURO 2020 ។
ពិតណាស់ កីឡាករអង់គ្លេសម្នាក់ៗ ពិតជាមិនសប្បាយក្នុងចិត្ដនោះឡើយ ក្រោយបានប្រឹងប្រែងស្ទើពេញមួយប្រកួត ប៉ុន្ដែត្រូវខកចិត្ដនៅវគ្គទាត់បាល់ប៉េណាល់ទីកាត់សេចក្ ដីក្នុងលទ្ធផល ៣ ទល់នឹង ២ ធ្វើឲ្យក្រុមអ៊ីតាលី លើកពានយ៉ាងគគ្រឹកគគ្រេ ងក្នុងទឹកដីរបស់ខ្លួន។
យ៉ាងណាមិញ នៅពេលឡើងទៅទទួលមេដាយកិត្ដិយស គេសង្កេតឃើញថាកីឡាករអង់គ្លេសរួមមានដូចជា Ben Chilwell, Phil Foden, Reece James, Jude Bellingham និង Conor Coady បាននាំគ្នាដោះមេដាយ ចេញពីក ទាំងដែលមិនទាន់ចុះផុតពីវេទិកាផង។ តែក្នុងនោះ គេឃើញមានប្រធានក្រុម Liverpool កីឡាករ Jordan Handerson ជាកីឡាករម្នាក់ ក្នុងចំណោមកីឡាករអង់គ្លេសដទៃទៀត ដែលមិនដោះមេដាយចេញ មុនពេលចុះផុតពីលើវេទិកា៕
