លោក Jose Mourinho បានការពារកំណត់ត្រាអ្នកចាត់ការទូទៅរបស់លោក នៅក្នុងក្របខ័ណ្ឌ Premier League និងបានចុះបញ្ជីការឈ្នះពានរង្វាន់របស់គាត់ ខណៈដែលគាត់បានពន្យល់ពីមូលហេតុ ដែលគាត់មានអារម្មណ៍ថា គាត់ត្រូវបានគេវិនិច្ឆ័យខុសគ្នា ទៅនឹងអ្នកគ្រប់គ្រងផ្សេងទៀត។
គួររំលឹកថា គ្រូបង្វឹកសញ្ជាតិព័រទុយហ្កាល់វ័យ ៥៨ឆ្នាំរូបនេះ ត្រូវបានបណ្តេញចេញពីក្លិប Tottenham នៅមុនពេលការប្រកួត League Cup វគ្គផ្តាច់ព្រ័ត្រដែល Spurs បានចាញ់ក្រុម Manchester City ។
លោក Mourinho បាននិយាយចំពោះមុខសារព័ត៌មាន នៅការបង្ហាញខ្លួនលើកដំបូង ក្នុងនាមជាគ្រូបង្វឹកថ្មីរបស់ក្រុម Roma ជាមួយនឹងការបង្ហាញ ពីកំណត់ត្រានៃពានរង្វាន់របស់លោក ដែលទទួលជោគជ័យក្នុងវិស័យបាល់ទាត់ជាច្រើន នៅអង់គ្លេស។ លោកថា “គ្រោះមហន្តរាយសម្រាប់ខ្ញុំ ជាសមិទ្ធិផលដ៏អស្ចារ្យសម្រាប់អ្នកដទៃ”៕
