អ្នកចាត់ការ ថ្មី របស់ក្លិប Everton លោក Rafael Benitez បានដាក់សំណើទៅក្លឹប Barcelona ដើម្បីនាំយកខ្សែការពារសញ្ជាតិបារាំង Clement Lenglet ដែលមានតម្លៃខ្លួនពី ២៥ ទៅ ៣០លានអឺរ៉ូ។
យ៉ាងណាមិញ ថ្វីបើធ្លាប់ជា អតីតគ្រូបង្វឹករបស់ អធិរាជស Real Madrid តែលោក Benitez បែរជាចាប់អារម្មណ៍ ក្នុងការសម្លឹងយកកីឡាករ ធ្លាប់ជាក្លឹបដែលជាគូប្រជែង Barcelona ទៅវិញ។
ទោះជាយ៉ាងណា Barcelona ក៏បន្ទាន់ក្នុងការលក់កីឡាករចេញដូចគ្នា ព្រោះពួកគេត្រូវការប្រមូលលុយច្រើនសន្ធឹកសន្ធាប់ ដើម្បីយកទៅបង្គ្រប់ ការចរចាកិច្ចព្រមព្រៀងថ្មី ឲ្យកំពូលកីឡាករសំខាន់ Lionel Messi ដែលកំពុងឈរជើងក្រៅក្លឹប និងគ្មានតម្លៃខ្លួនលើទីផ្សារដោះដូរ។
គួរបញ្ជាក់ថាខ្សែការពារបារាំងវ័យ ២៦ឆ្នាំរូបនេះ មិនធ្លាប់លេងឲ្យក្លឹបនៅអង់គ្លេស ពីមុនមកទេ ខណៈដែលស្នាក់នៅ ៣ឆ្នាំនៅ Camp Nou នឹងបានចូលរួម ១៣៣ ប្រកួត រកបាន ៧ គ្រាប់ និង Assist ២ លើក ៕
