ក្លិបបអ្នកមានបុណ្យ Barcelona បានប្រកាសថា Ousmane Dembele នឹងត្រូវវះកាត់ជង្គង់ខាងស្តាំរបស់គាត់ ដោយមានរបាយការណ៍ថា កីឡាករអន្តរជាតិបារាំងរូបនេះ បានរងនូវការដាច់សរសៃពួរសាច់ដុំនៅជង្គង់របស់គាត់ ហើយ
ទំនងអាចនឹងខកខានលេងជាច្រើនខែ។
Dembele ត្រូវបានបង្ខំចិត្តឱ្យដកខ្លួនចេញ ពីក្រុមជម្រើសជាតិរបស់បារាំង ក្នុងព្រឹត្តិការណ៍ Euro ២០២០ កាលពីថ្ងៃច័ន្ទ បន្ទាប់ពីគេបានរងរបួស នៅក្នុងការប្រកួតជាមួយហុងគ្រី។
បច្ចុប្បន្នក្លិបរបស់កីឡាករវ័យ ២៤ ឆ្នាំរូបនេះបានបញ្ជាក់ថា គេនឹងធ្វើការវះកាត់ បើទោះបីជាពួកគេមិនបានបញ្ជាក់ពីពេលវេលា ដែលគាត់អាចខកខានក៏ដោយ៕
