Christian Eriksen បានចាកចេញពីមន្ទីរពេទ្យកាលពីថ្ងៃសុក្រ បន្ទាប់ពីការវះកាត់បេះដូង ទទួលបានជោគជ័យ ក្រោយសម្រាកជាងមួយសប្តាហ៍ អំឡុងពេលបើកឆាកអឺរ៉ូ ២០២០ របស់ដាណឺម៉ាក។
រំលឹកថា ខ្សែបម្រើប្រយុទ្ធមកពីក្លឹប Inter វ័យ ២៩ឆ្នាំរូបនេះ បានដួលសន្លប់ឈឹង អំឡុងការប្រកួតក្នុងពូល B ជាមួយក្រុមហ្វាំងឡង់ ក្នុងទីក្រុង Copenhagen កាលពីថ្ងៃសៅរ៍ និងត្រូវបានបញ្ជូនទៅ Rigshospitalet។
ជាការពិតណាស់ Eriksen មិនអាចបន្តជួយមិត្តរួមក្រុមបានទៀតទេ ដោយរូបគេត្រូវសម្រាកព្យាបាលរយៈពេលវែង ហើយរូបគេនឹងត្រលប់មកផ្ទះជាមួយក្រុមគ្រួសារវិញ៕
