ក្រុមបាល់ទាត់ជម្រើសជាតិពណ៌ទឹកក្រូចហូឡង់ បានក្លាយជាក្រុមទី៣ ដែលបានកក់កៅអីឡើងទៅវគ្គ ១៦ក្រុមចុងក្រោយ នៃពានរង្វាន់អឺរ៉ុប UEFA Euro 2020 បន្ទាប់ពីបំបាក់អូទ្រីស ២-០ ដែលជាជ័យជម្នះលើកទី២ របស់ពួកគេប្រចាំពូល C។
ក្រុមដែលខកខាន FIFA World Cup 2018 បានចូលរួមជាមួយអ៉ីតាលី និងប៊ែលហ្សិក ក្នុងការឈ្នះកៅអីទៅលេងវគ្គចាញ់-ធ្លាក់ជាបន្តទៀត នៅពេលរកបានជ័យជម្នះ ២ប្រកួតជាប់ៗគ្នានៃការប្រកួត ដែលបានយកឈ្នះអ៊ុយក្រែន ៣-២ នៅថ្ងៃបើកឆាក មុនមកឈ្នះអូទ្រីស ២-០ នៅកីឡដ្ឋានដែលស្ថិតក្នុងទីក្រុង Ajax ប្រទេសហូឡង់តែម្តង នារាត្រីឈានចូលថ្ងៃសុក្រ ទី១៨ ខែមិថុនា ឆ្នាំ២០២១។
សូមជម្រាបថា ហូឡង់ នឹងត្រូវប៉ះគូប្រជែងក្នុងវគ្គ ១៦ក្រុមចុងក្រោយ រវាងក្រុមដែលបញ្ចប់ក្នុងចំណាត់ថ្នាក់លេខ៣ ពីក្នុងពូល D, E ឬពូល F ទៅតាមរូបមន្តរបស់ UEFA៕
សូមទស្សនាវីដេអូហាយឡាយ៖
https://www.youtube.com/watch?v=bbq_-655sjM
